@@@#### जगण्याचा शोध..की..शोधातील जगण####@@@

(आपण जे आयुष्य  जगतोय  त्याला समजून घेऊन जर जगलो तर जगण्यात एक वेगळीच मजा येते...
कारण स्वतःची घुसमट करत जगणे म्हणजे आयुष्याचा केलेला अपमान   आहे..
तर मग चला स्वतःच्याच आयुष्याचा थोडा विचार करूया...अन  स्वतःला  जरा  थोडं स्वतःसाठी  देखील जगायला शिकूया....)
{}


विचार करा आपण खर्या अर्थाने जगतोय का....?
या मधाळ आयुष्याचा रस आपण आनंदाने चाखतोय का...?

या वस्तुनिष्ठ जगात जगता जगता आपण देखील एक  वस्तूच बनलोय..
अन आयुष्याच्या  शर्यतीत  स्वतःच स्वतःशी कुठेतरी हरलोय..
या झगमगाटी शहरात प्रत्येकाने आनंदाची  खोटी सोंगे मिरवली आहे..
आणि सिमेंटच्या या जंगलात माणुसकीच कोठेतरी हरवली आहे..

येथे घरे भली मोठी पण मन छोटी झाली आहेत....
अन नाती तर कधीच घुस्मटुन  मेली   आहेत...
येथ कोणीही भावनाची पर्वा थोडीना करतात
बस नात्यांच्या मृतदेहावर भावनांची सुकलेली फुले वाहतात..

रग्गड पैसा कमावला पण खर्चायला वेळ नाही ...
येथे तर आयुष्याचाच आयुष्याशी काही मेळ नाही..
फक्त जगायचं  म्हणून प्रत्येकजण येथे काहीतरी जगतोय..
पण दिव्यांच्या लक्ख उजेडातही कुणास ठाऊक का मनाचा एक कोपरा अंधारतोय..

येथे प्रत्येकजण दुसऱ्याच्या इशाऱ्यावर  चालतोय..
अन  समाजाला घाबरून  कुठेतरी स्वइच्छा पासून दुर पळतोय,,,
 खंरच असं मनाविरुद्ध जगण्यात   काहीच  मजा नाही...
 अहो हे तुमचं  आयुष्य आहे आयुष्य ,कोणी  तुम्हाला दिलेली सजा नाही....



म्हणूनच या  वेगवान आयुष्यात आपण थोड्यावेळासाठी  थांबायला हवं..
अन क्षणभरासाठी  का होईना अंतरमनात विचारमंथन करायला हवं.. 
की एकदाच मिळणाऱ्या या  सुंदर आयुष्याचं आपण काय करतोय...?
 आयुष्य फक्त ढकलतोय   कि  आपल्या इच्छेने खुल्या मानाने जगतोय...?